ЭКОНОМИКА

ერევანში საპროტესტო აქცია ძალის გამოყენებით დაშალეს

21.11.15 18:45




ახალგაზრდული მოძრაობა "არა ძარცვას" ინიციატივით დაწყებული საპროტესტო გამოსვლები დღეს გამთენიისას სომხეთის პოლიციამ ძალის გამოყენებით დაშალა.
დილის 5 საათზე ერევნის პოლიციის უფროსის მოადგილემ ნახევარსაათიანი ვადა მიცა აქციის მონაწილეებს მჯდომარე აქციის დასაშლელად. გაფრთხილების ვადის ამოწურვის შემდეგ, პრეზიდენტის სასახლის მიმდებარე ტერიტორიაზე, პოლიციამ სპეცრაზმისა და შინაგანი ჯარის ნაწილების გამოყენებით მიტინგის დაშლის ოპერაცია განახორციელა.



პროტესტანტებს დასაშლელად გამოყენებულ იქნა წყლის ჭავლი.

დაპატიმრებულია 240-ზე მეტი მონაწილე. არიან დაზარალებულები - ძირითადად სტუდენტი გოგონები. .

ჯერჯერობით, არ ვრცელდება ოფიციალური ინფორმაცია დაკავებულთა ზუსტი რაოდენობის შესახებ. მოქალაქეების ნაწილი, რომლებიც შეესწრნენ აქციის დაშლის პროცესს, აქტიურად აპროტესტებდნენ სამოქალაქო ტანსაცმელში მყოფი პირების მიერ ახალგაზრდების დაპატიმრების ფაქტს.

აქციის დაშლისას პოლიციის განსაკუთრებულ სისასტიკეზე ამახვილებს ყურადღებას epress.am-ის კორესპოდენტი, რომელიც საპროტესტო აქციას აშუქებდა. დამოუკიდებელი საინფორმაციო სააგენტოს კორესპოდენტს ვიდეოკამერა დაუმტვრიეს. მისივე განცხადებით, დაკავებულებს ცემდნენ მუშტებით და რეზინის ხელკეტებით.

ახალგაზრდა აქტივისტების საპროტესტო გამოსვლები სომხეთის ელექტროენერგიის სადისტრიბუციო კომპანიის მიერ სომხეთის ენერგეტიკის მარეგულირებელ კომისიაში წარდგენილი მოთხოვნის დაკმაყოფილებას მოყვა. მოთხოვნის თანახმად, 2015 წლის 1 აგვისტოდან სომხეთში 1 კილოვატსაათი ენერგიის ღირებულება 17-22 პროცენტით იზრდება.
სომხეთის ელექტროენერგიის სადისტრიბუციო კომპანია რუსული ენერგოგიგანტი სახელმწიფო კომპანია რაო-ს შვილობილი კომპანიაა, რომელმაც ტარიფის ზრდის აუცილებლობა სომხეთის ეროვნული ვალუტის, დრამის დოლართან გაუფასურებით ახსნა.

Прочитано : 1


Напишите комментарии

(В своих комментариях читатели должны избегать выражения религиозной, расовой и национальной дискриминации, не использовать оскорбительных и унижающих выражений, а также призывов, противоречащих законодательству .)

Публиковать
Вы можете ввести 512 символов

Новостная Лента