ЭКОНОМИКА

საქართველოს საზღვარს სომხეთმა 10 ჰექტარი მიწა ჩამოაჭრა

21.11.15 19:45




სამწუხაროდ მხოლოდ სამხრეთ ოსეთი და აფხაზეთი არ არის მიმართულებები საიდანაც საქართველოს ტერიტორია სულ უფრო და უფრო მცირდება, იგივე ხდება მეზობელი სომხეთის მხრიდან. რამდენიმე დღის წინ სომეხმა სამხედროებმა აქ საზღვარი იმდენად გადმოწიეს, რომ ჩვენი ქვეყნის ტერიტორიის ერთბაშად 10 ჰექტარი მიიტაცეს. ადგილობრივები ამობობენ, რომ ეს მხოლოდ ბოლო დიდი ნაბიჯია, თორემ მიწების თვითნებური მითითება აქ დიდი ხანია გრძელდება. სადახლოს ჩაიხანაში შეკრებილი ადგილობრივების ინერვიუ : სომხები ამბობენ ჩვენი ტერიტორიააო და მორჩა, ეს სულ ოცტა ხნის წინ მოხდა. სადახლოს ჩაიხანაში შეკრებილი ადგილობრივები დაახლოებით ერთი კვირის წინ მომხდარ ამბავს განიხილავენ აქ ჰყვებიან, რომ სოფელ საზაქენდში, რომლის ახლოსაც საქართველოს სახელმწიფო საზღვარი გადის სომეხმა მესაზღვრეებმა 10- 15 ჰექტარი მიწა მიისაკუთრეს.


ადგილობრივი მაცხოვრებელი : რა თქმა უნდა ეს ძალიან დიდი პრობლემაა, რატომ უნდა მიითვისონ ჩვენი მიწა, მესაზღვრეები უკვე დგანან იქ და ჩვენს მოსახლეობას არ აქვს გადასვლის უფლება. რატომ არ ინტერესდება ხელისუფლება ამით არ ვიცი.
ადგილობრივი მაცხოვრებელი : დაახლოებით 10-15 ჰექტარით გადმოსწიეს საძღვარი, არც ის ვიცი რომელ რუკაზე დაყრდნობით გადმოსწიეს, უბრალოდ ესე გააკეთეს და მორჩა.
საზღვრის უკანონო გადმოწევაზე საუბრობენ იმ სოფლის მაცხოვრებლები, რომელიც ამ ტერიტორიასთან ახლოს მდებარეობს. სოფელ საზაქენდის მაცხოვრებლები ამბობენ, რომ სომეხმა მესაზღვრეებმა საქართველოს მიწაზე საკმაოდ დიდ ფართობზე შემოიწიეს.
სოფელ საზაქენდის მკვიდრი: მარტო ჩემი მიწა არ არის, ოვიდნენ სომხები და 8 ჰექტარი მიწა დაიკავეს, რომელსაც სამი წელი ვამუშავებდი. ჩემს მეზობელს 6 ჰექტარი წაართვეს, უკვე მოთიბული ჰქონდა შეაგროვეს თივა და წაიღეს. ჩემი 6 ჰექტარი გაუთიბავი იყო, 2 გათიბული , თივაც წაიღეს და მიწაც. გამგებელმაც იცის ეს ამბავი, საკრებულომაც, ალბათ ჩაერევიან, ჯერ არაფერი ისმის მარტო სასოფლო - სამეურნეო მიწა არაა,ზემოთ რომ მთებია იქიდანაც ბევრი მიწა წაიღეს.
ადგილობრივი მაცხოვრებელი : 110 მეტრით ჩამოიწიეს ახლა, აი აქაც მიიტაცეს, არ გეკუთვნითო, კოვიდნენ ჩვენი ბალახი მოთიბეს და წაიღეს, ყოველწელს გვიახლოვდებიან.
ვიცით რომ ეს არის საზღვარი სომეთთან, წელს ამ სათიბამდე ჩამოვიდნენ, ვინ ყიდის ამ მიწას ?! ჩვენც გვაინტერესებს ეს ამბავი, რა ვქნათ, სად წავიდეთ აქედან?
ის რომ კომუნისტური რეჟიმის დაშლის შემდეგ დემარკაციის გარეშე დარჩენილ საქართველოს საზღვარს წლიდან წლამდე მეზობელი სახელმწიფოს მესაზღვრეები არღვევენ ამას სხვა სოფლებშიც ამბობენ. საქართველოს ტერიტორიაზე საზღვრის მიმდებარედ მცხოვრებ ადამიანებთან სასაუბროდ რუსთავი ორის გადამღებ ჯგუფს განსაკუთრებული ნებართვა დასჭირდა.
ჟურნალისტი : ხომ ჩვენი ტერიტორიაა?
მესაზღვრე : სასაზღვრო ზოლში ხართ ეხლა თქვენ და არ შეიძლება რა.
სასაზღვრო ზოლში, სადაც გადაადგილება შეზღუდულია ადგილობრივი მოსახლეობა უკვე წლებია ცხოვრობს. ამბობენ , რომ ისინი ამ გზით წლების განმავლობაში სარგებლობდნენ, დღეს კი იქ მისვლის უფლებას სომეხი მესაზღვრეები არ აძლევენ.
სოფელ ბურთაში ჰყვებიან, რომ ადრე ეს მთა მთლიანად საქართველოს ეკუთვნოდა, თუმცა წლების განმავლობაში სომხეთის საზღვარმა საკმაოდ დიდ ფართობზე გადმოიწია.
ადგილობრივი მაცხოვრებელი : ეს მთები ჩვენი იყო, ეს გზა, რა აქ გადის ჩვენი იყო, ძველი რუკები მიხედვით ეს ტერიტორია მთლიანად საქართველოს ეკუთვნოდა ახლა კი იქ მისვლას გვიკრძალავენ. დღეს მითხრეს, რომ ამ გზაზე გავლა აღარ შემიძლია.
ადგილობრივი მაცხოვრებელი : თითქმის ყოველდღე თითო- თითო მეტრით ჩამოდიან სომეხი მესაზღვრეები. ზუსტად არ ვიცი რა ტერიტორიებზე არიან შემოსულები ეხლა, თუმცა ეს საკმაოდ დიდი ფართობია.
ადგილობრივი მაცხოვრებელი : ვერ მივდივართ იქით, იმიტომ რომ გვეშინია, იქ რომ გადავიდეთ დაგვიჭერენ მესაზღვრეები.ადრე თავისუფლად დავდიოდით ეხლა გვიკრძალავენ.
ჟურნალისტი : ანუ იქედან ასე ჩამოდის და მერე მდინარეს მიჰყვება?
მესაზღვრე : დიახ ესე ჩამოდის და მდინარეს მიჰყვება ესე ბოლომდე ზემოთ. ჯიპიესით გვაქვს ჩვენ წითლად საზღვარი სადაც მიჰყვება.
ჟურნალისტი : სად გადის საქართველოს სახელმწიფო საზღვარი ჯიპიესისა და რუკის გარეშე ძნელი მისახვედრია. წლების განმავლობაში არამხოლოდ სოფლები დასასოფლო სამეურნეო მიწები, საცხოვრებელი სახლებიც კი სხვადასხვა ქვეყნის ტერიტორიაზე ხვდება, წითელი ხაზების გავლება და სახელმწიფო საზღვრის დემარკაცია ამ დრომდე ვერ მოხერხდა, მსგავსი პრობლემა არის საქართველოსა და სხვა მეზობელი სახელმწიფოების საზღვრებზე, რომლებიც წლიდან წლამდე ადგილს იცვლის. როგორც წესი საზღვრის შეცვლა საქართველოს ტერიტორიების ხარჯზე ხდება.

Прочитано : 1


Напишите комментарии

(В своих комментариях читатели должны избегать выражения религиозной, расовой и национальной дискриминации, не использовать оскорбительных и унижающих выражений, а также призывов, противоречащих законодательству .)

Публиковать
Вы можете ввести 512 символов

Новостная Лента